हमरा चाही केवल आधा अधिकार

हमरा चाही केवल आधा अधिकार

 सुरजक आधा किरण चाही 

चांद केर आधा इजोर कs प्रकास

भानस घर मे आधा हिस्सा

आधा भानस हम करब 

आधा करथिन स्वामी सरकार

हमरा चाही आधा अधिकार

आधा राजनीति के कुटनीति चाही 

मेयर के कुर्सी पर हमहुँ राखब आधा राज

चुनाव केर मैदान मे आधा हिस्सा 

आधा भोट हम मांगब 

आधा मंग्थिन स्वामी सरकार

हमरा चाही केवल आधा अधिकार

हकदार मे आधा किरदार चाही

मन्नत के रिश्ता मे भगवान के आधा द्वार चाही

संघर्ष आधा तकलिफ आधा

जिन्दगी के हर हिस्सा मे आधा आरजु के चाही हिसाब 

आधा किताब केर पन्ना हम बनब

आधा बन्थिन स्वामी सरकार 

हमरा चाही केवल आधा अधिकार.....।

                                           लेखिका,

                                          प्रतिभा झा